The Italian Job (títol orichinal en anglés, en aragonés O treballo italiano, enguerada en Aragón con o suyo títol orichinal) ye una cinta d'acción d'intriga policiaca anglo-franco-italo-chermano-estausunidense de l'anyo 2003 dirichida por F. Gary Gray seguntes un guión adaptau por Donna Powers y Wayne Powers basau en The Italian Job, una cinta de 1969 con guión orichinal de Troy Kennedy Martin. Con una Banda Sonora Orichinal de John Powell, una dirección de fotografía de Wally Pfister y una producción cinematografica de Tim Bevan, Donald De Line y Eric Fellner ta las productoras De Line Pictures, Paramount Pictures, Working Title Films, Mestiere Cinema y Tele München Fernseh Produktionsgesellschaft, en l'elenco d'a cinta bi ha actors como Mark Wahlberg, Charlize Theron, Edward Norton, Seth Green, Jason Statham, Mos Def, Franky G, u Donald Sutherland.
La cinta, un remake de The Italian Job (1969, Peter Collinson, con Michael Caine, Noël Coward, Benny Hill y Raf Vallone), explica cómo un grupo de ladrons planifica la suya venganza contra un antigo miembro d'a banda que los traicionó y mató a lo suyo chefe y s'ambienta en os Alpes, Los Angeles y atros puestos de California, Philadelphia, Venecia y Espanya mientres os anyos 2000, y se filmó en Venecia y Los Angeles.